請選擇 進入手機版 | 繼續訪問電腦版

Leslieworld 哥迷世界

 找回密碼
 立即註冊_Register Now
搜索
查看: 1043|回復: 0

1994年3月3日 明報報導 張國榮開列條件收黎明入室弟子 [複製鏈接]

Rank: 9Rank: 9Rank: 9

發表於 2013-3-3 00:04:27 |顯示全部樓層
張國榮開列條件收黎明入室弟子  這條件只要去做 任何人都做得到
 
張國榮十年如一日的青靚白淨,真叫人受不了--又羡慕又妒忌嘛!不是靚女才享有這種受人艷羡妒忌的權利。連自詡是張國榮徒弟的黎明,一站到『師傅』的身邊,高大俊朗的他,也一樣搶不了張國榮的光芒和風頭。『天王』若此,亦要甘拜下風吧

◎ 張國榮 *欣子
* 黎明口口聲聲說你是他的師傅,到底有沒有正式拜師這回事?
◎ 拜師?我重未諗過收徒弟!黎明不錯,但未夠勤力,不夠用功,他本身的聲線好,可以更進一步,他要認我做師傅?叫他勤力一些啦,我先肯認他做徒弟。
(張國榮比黎明年長近十三年,無論年齡、資歷、經驗、名氣,都足可以師徒相稱)
* 今天劉德華與黎明之爭似乎一如當年你與阿倫的局面,有沒有這個感覺?
◎ 無啊。根本時間和形勢都不一樣,怎可以拉埋一起講呢!
* 你對今天香港流行樂壇有何看法?
◎ 嘩,在歌唱方面,自問已經脫節,不再介入,我連樂壇很多新歌手都認不出。
* 但外面有人講,阿倫特別幫華仔,而你就對黎明特別friend D咁!
◎ 咁講又係唔公平,對事而非對人嘛,阿倫幫華仔,好自然又好應該,佢地相識時間長,我對黎明亦非特別friend。其實,佢亦係被人擺上枱,一切都被安排,身不由己。
* 其實你同四大天王嘅交情有無分級?
◎ 話一視同仁乃騙人。我同學友、華仔合作過拍電影,相識時間較長。自不然熟落些。但諗落相處上又有些不同,同學友就係兄弟相稱,好好嘅朋友,可以好自然、隨便;同華仔做過拍檔演戲,朋友囉!(朋友亦有分深淺,張國榮雖未明言,卻也應是一種表態吧)!
* 咁黎明與郭富城呢?
◎ 與城仔比較少交往。LEON呢,佢唱我作嘅歌,我亦有提過意見,就係咁。
* 對于四大天王嘅局面點睇?
◎ 其實我好唔想你問這個問題,亦唔想答。我覺得樣樣都要拉埋他們一齊來比較,實在是相當殘忍一件事,好似頒獎禮,講真的邊個上台都被玩到殘,真係好陰功。
只差未去公廁剪綵 歌星幾乎全無自尊
(用到殘忍、陰功如此字眼。不過,未見張國榮激動到咬牙切齒。今時今日,他完全可以以局外人的身分,用局外人的眼光,去看歌壇的龍爭虎鬥)。
◎ 想落還是我們那年代做歌星矜貴一些,要宣傳才出騷,而且還可以有權揀擇,譬如不想與阿倫同台演出(免生尷尬),也可大大方方表示態度,各有各做,無須一定要在台上被人比較。但如今歌星,哪有自主權,什麼騷都要出,只差是未去公廁剪綵而已。歌星幾乎全無自尊。
* 你這麼一說,覺得做歌星都幾慘。
◎ 時代唔同 左,以前點辛苦都有得抖氣,現在做歌星,一大班在後面build up,無辦法唔搏晒命。有機會就要搏出鏡搏見報,簡直係無得停,最弊係本末倒置。
* 此話怎說。
◎ 做歌星不是集中全力唱好歌,而要做大多與唱歌無關的種種活動,諸如為電台、電視台做騷出鏡、出席歌迷會聚會等等。時間都被佔滿了,根本沒有任何時間去進修去吸收。
* 那豈非很不正常!
歌壇怪現象
◎ (歌手們缺少進修時間,張國榮無限感慨)此乃香港之怪現象,甚至做歌星,起碼要上聲樂堂、練聲、練氣、學舞,還要不斷睇人 做騷,吸取人家的長處,好似阿梅,佢最叻亦最勤力就係睇騷(中外騷皆睇),從中偷橋。 我最好的一個騷,也是從外國騷中偷得好橋。但現在的歌星,根本無人會為他們設想及安排這一方面,只是拼命催谷知名度,演唱技巧反成次要。 (今昔對比,張國榮並無晞噓,也無感慨,但他不無自豪的表示:退出樂壇是有先見之明。絕不後悔,也無悔今生)。
* 現在你把主力放在電影方面,《霸王別姬》更為你取得極高榮譽,是否更有野心在電影闖出新高峰?
◎ 此乃必然,今天拍戲,不是為了賺錢,當希望拍高質素有分量的電影,得了金球獎,自是寄望取奧斯卡,人同此心嘛!
* 接戲有什麼條件?
◎ 揀導演揀對手,始可保持質量。今時今日可以講一句,找我拍戲其實不化算,我開價高,但無票房保證;不過,我有外埠市場。票房不會標升至幾千萬,又不會跌落幾百萬,勝在平均,每部片都會收千幾二千萬,是否用得過,各人心中有數!

採訪後記
人到無求,自是瀟灑,冷眼看紅塵,心中不沾塵。今天的張國榮,漂亮俊逸如昔,添了的是一份灑脫和不羈!


明報 (3/3/1994)

leslie046.jpg
000324tzkbbp9dr88y6n7q.jpg

Archiver|Leslieworld 哥迷世界

GMT+8, 2020-7-11 09:55 , Processed in 0.118030 second(s), 13 queries .

Powered by Discuz! X2

© 2001-2011 Comsenz Inc.

回頂部 2