請選擇 進入手機版 | 繼續訪問電腦版

Leslieworld 哥迷世界

 找回密碼
 立即註冊_Register Now
搜索
查看: 873|回復: 0

1997年1月24日 東方日報報導 唱被評為不雅 井底蛙 [複製鏈接]

Rank: 9Rank: 9Rank: 9

發表於 2014-1-24 00:29:28 |顯示全部樓層
唱被評為不雅 井底蛙

最近,有議員建議把演唱會劃分三級制,主要針對張國榮演唱會內容不雅過火,此言一出卻惹來歌手及製作人的反對、抨擊。 被「擺上枱」的男主角張國榮對此不慍不怒,只是低聲反問:『我個演唱會何來有不雅、三級!唉,井庭蛙!』當聽到批評其個唱的是議員,哥哥即提議記者問問廣播處長張敏儀,張敏儀對其個唱讚到不得了。『可能有人想搏出位啦!但有無睇過我演唱會都成問題,問下鄭經翰囉!(之前他曾在電台指責哥哥個唱內容不雅,敦壞細路。)』 然而,哥哥未有為此嬲怒,『呢D野係見仁見智嘅!有D人又保守D哩!十年前麥當娜、米高積遜已經做過,唔係踩高踭鞋就話三級!』總之,哥哥自問在今次演唱會交待得有餘。有謂其演唱會舉行至今仍備受談論可算「成功」?哥哥聞言即笑咪咪答:『我梗係話成功架,其實,鍾意我個演唱會的佔大部分,只係有D人搞小姿態、小動作啫!語不驚人誓不休嘛!不過,把口生係人度,佢地鍾意點講咪點講!』   

赴日演唱機場遇張曼玉   

哥哥更幽默道各個巡迴演唱會站站爆滿,反而要多謝他們咁講幫助宣傳哩!『但係第二度D人聽到咁講以為個演唱會好咸濕,可能就會失望而回。』問到其最受人爭議的「自摸」動作可會在巡迴演唱會中出現?哥哥隨即笑謂:『繼續摸,對唔住!』事實上,他覺得此僅是舞台上的一個表演,相比麥當娜,米高積遜演唱會只是小兒科,不可說教壞細路,『又無話叫細路仔來睇,我亦唔係爆粗,無所謂啦!』   

昨日哥哥起程往日本,在東京舉行三場演唱會,碰巧滾石安排嘉賓梅艷芳及香港記者赴台灣參與草蜢簽約滾石儀式,本來哥哥準備見一見阿梅,惜阿梅到了餐廳吃東西以致緣慳一面。不過,哥哥另一個老友張曼玉竟又出現機場,原來媽姬送朋友機見到哥哥便趨前喧寒,順道也送哥哥一程。 是次乃哥哥首次在日本正式舉行演唱會,但反應出奇地好,當地主辦商要求添食,唯於完成日本演唱會後哥哥需繼續新加坡等各地巡迴演唱,故現決定尾站再重返日本,暫定加開五至七場。有稱香港歌手在日本連開近十場演唱會甚是難得?哥哥便得得戚戚的笑道:『因為我紅嘛……。』     

東方日報 (24/1/1997)

24_1_97.jpg

Archiver|Leslieworld 哥迷世界

GMT+8, 2019-10-14 11:21 , Processed in 0.131777 second(s), 13 queries .

Powered by Discuz! X2

© 2001-2011 Comsenz Inc.

回頂部 2