請選擇 進入手機版 | 繼續訪問電腦版

Leslieworld 哥迷世界

 找回密碼
 立即註冊_Register Now
搜索
查看: 864|回復: 0

1994年1月24日 明報報導 劉青雲擲球傷及張國榮 [複製鏈接]

Rank: 9Rank: 9Rank: 9

發表於 2014-1-24 00:23:18 |顯示全部樓層
劉青雲擲球傷及張國榮  施明攜子向前輩道歉

在拍(大富之家)現場,張國榮問我:『冰姐,你鍾唔鍾意我呢個髮型?』『唔鍾意。』『你鍾唔鍾意我留鬚?』『唔鍾意。』企係旁邊侍候張國榮的阿英姐快速接口:『我都唔鍾意。你要聽老人言,你咁後生做乜要留鬚。』 張國榮再次問我:『咁有乜唔好?』 我說:『你大少係一等一靚仔,面部輪廓,線條好靚,應該俾人睇清楚你嘅相貌,而唔係任由D頭髮呀,鬍鬚呀遮遮掩掩塊面。你驚你無時間留鬚呀,你重有幾十年人要做呀。』

聽兩個女人話榮少卒之剃鬚

張國榮像宣布喜訊似咁話:『我聽日剪頭髮剃鬚啦。』 阿英姐好高興:『係囉,我係有果句講果句咋。』張國榮話:『阿英,我寵壞你呀。』 我係現場所見,阿英雖然係專門侍候張國榮人,佢對佢好隨便,鍾意講乜就講乜,從阿英嘅言行來睇,張國榮份人無架子,易相處。 這一日拍的是這樣一場戲,張國榮係網球場修理東西,劉青雲走來撩交打。因劉青雲表哥鍾意表妹毛毛,俾呢個扮藝術家嘅張國榮撬牆腳,好嬲。青雲攞住一個網球,係背後擲過去,打中張國榮的背脊。 這場戲係日前拍過一次,但發生了意外。球下幸打在地上彈番起,不偏不倚的正好打在張國榮的眼球上,榮少眼角膜有些擦損,因而停拍。 這一日,補拍網球場打架嘅戲,劉青雲又擲網球過來打張國榮,擲了四、五次都打唔中,張國榮蹲在地上等他擊中他,次次都擊下中,回頭問劉青雲。 『喂,你D球技渣唔渣D呀?』 青雲可能打傷過張國榮,心裏有壓力,擲來擲去擲唔中。最後一次,「拍」一聲,球打在張國榮的腰脊上,好響,我一時忘情,『呀!』一聲叫起來。後來嚇到急急掩住把口,因為現場收音者也。不見高志森叫重拍,不知我那把聲洗不洗得去?偷偷走去問高志森:『點算呀?』高志森話:『阿冰姐,你來探班搞到我地好麻煩。』 『係嘅係嘅。』你話死唔死,睇拍戲都睇到咁投入。 張國榮同劉青雲打交,但將青雲打倒在地。一個鏡頭拍劉青雲被打到雙膝跪地。工作人員將護膝拿來要青雲著好佢,劉青雲問:『使唔使呀?』

『要,乜唔使呀?整傷你隻腳點算呀?你知你幾黑架啦。』高志森話。我問青雲:『你好黑咩?』
導演命戴護膝青雲自認好黑

『係呀,佢拍親戲都受傷嘅。』高志森話:『不過拍呢部戲,佢無事,整傷咗張國榮啫。』 網球場上這場戲好快拍完,我告辭:『我要走了。』 高志森話:『唔好走,陪辣士里傾吓偈嘛。下一場戲未有對手,未拍得住。』我問:『等邊個?』『等毛毛,或者果個細路,邊個先到拍邊個,毛毛個手提電話無人接聽。』張國榮話:『毛毛可能係度做運動。唔聽電話。』講到好似對阿毛嘅生活瞭如指掌咁。 我話:『嘩呀,你地點安排架,天皇巨星要係現場等細路來至可以拍戲?』 張國榮話:『無所謂啦。』睇來真係好無所謂,好好商與,無架子。 施明攜子來時,我至知佢地所謂嘅細路係李詠漢。 李詠漢呢輪考試,一定要四點以後至可以趕來。有時路上又遇到塞車。所以,大明星們要等細路是一點也下出奇。 高志森趕戲,難免有點抱怨,但對我話:『我就鍾意去新加坡拍,起碼人人都等係度,唔使我等佢地,你睇,大明星等細路。』 施明也很過意不去,再三道歉,再三話要請高志森吃飯。 李詠漢來後,高志森拍佢同張國榮嘅對手戲。之後又等毛毛。高志森對我話:『今天最後第二日,有十場戲拍,走了四個現場,你來遲了,早一步你見到嘟嘟,嘟嘟最好戲,其他人都好,但,最好戲嘟嘟,次次都一鏡過,點改對白,點增刪改動D對白,佢都記得,Timing好到不得了,拍人地時,借但背影來用,背影都連戲,真係無得彈。』 這部戲黃百鳴做監製,劇本是話劇界著名編劇杜國威手筆,高志森自己寫一分鏡頭本』,每拍一場,便派「對白本」予演員,張國榮拿到與劉青雲做對手的「對白本」時,問:『又改呀?』『係呀,係黃生(百鳴)親自寫的。張國榮問:『黃生寫就一定要照講咩?可唔可以唔照稿講呀?』『當然可以。』高志森回應。 我坐度冷眼旁觀,知道高志森應付大明星很有一手,他不會申辯,不會解釋,要解決的問題到時,自會解決,後來我見到的:張國榮還是照黃百鳴寫的講了,並無異議。』

明報 (24/1/1994)


test013.jpg

Archiver|Leslieworld 哥迷世界

GMT+8, 2019-10-22 11:15 , Processed in 0.139371 second(s), 13 queries .

Powered by Discuz! X2

© 2001-2011 Comsenz Inc.

回頂部 2