請選擇 進入手機版 | 繼續訪問電腦版

Leslieworld 哥迷世界

 找回密碼
 立即註冊_Register Now
搜索
查看: 1036|回復: 0

1994年12月20日 《風月》全片殺青 [複製鏈接]

Rank: 9Rank: 9Rank: 9

發表於 2013-12-20 22:19:21 |顯示全部樓層

199497 明報 張國榮歌壇不再見 小生今年三十八歲矣



千里迢迢從黃山回來的張國榮,他第一次走進錄音室,我就大叫:「哥哥」以示歡迎。「哥哥」看見我很熱情。他過來與我相抱,還在我的頭上吻了一下,表示友誼。


「你專誠回來為《東邪西毒》配音?」我問。


「係呀,我在黃山拍《風月》,這趟回來凱歌都不知道,可以說是偷偷回來的。」


「怎麼連陳凱歌都不知道你離開黃山呢?」


「在黃山拍戲,好辛苦呀。一連十幾日,我未吃過肉,未吃過海鮮。只吃罐頭和菜,那是一個小鎮,一個禮拜有兩日停電,有時酒店無電無水,房間有蚊、蟲、鹽蛇。很艱苦,坐十個小時車才到上海,不過我在黃山的戲拍完了,凱歌他們還要拍幾日,他見我等在黃山辛苦,叫我先回上海,我就偷偷溜回香港為《東邪西毒》配音。」


「不必再長途跋涉回黃山吧!」


「不必啦,我們會在上海和蘇州拍。拍到十二月二十日就全片殺青。這幾個月,我都不會回來了,直到聖誕節,聖誕回來找你吃飯、打牌。」


「好。」


「我講真的,你唔好以為我講了算數,上次答應送你盒帶,錄好曬啦,你將你家電話俾我,我返來就找你。」


「你愛打牌?」


「打牌有乜唔好?可以講講是非,又可以聚嚇……我又接了一部戲,《徐志摩與陸小曼》,陳凱歌拍。」


「你到底接了幾部戲呀?」


「今年只拍《風月》,《徐志摩》明年拍,百鳴嘅《夜半歌聲》也要到明年才有期。」


「去不去威尼斯?」


「唔去啦。」《東邪西毒》要到威尼斯參展,舒琪正遊說張國榮同行。張國榮一再表示不能去,舒琪仍下死心,繼續在做工夫。


「《東邪西毒》咁大棚人,睇來你都無乜機會攞影帝。」


「咁又唔係咁講嘅,你睇咗戲先講啦,我由頭帶到尾。你又睇嚇九四年邊個獲提名最佳男主角?」張國榮信心十足的說。


「哥哥,你好嘢,你心想事成,暑假最寶座頭三部,你佔兩部,復出以來,未衰過。」


「使乜講。」佢笑。


「點解又傳你復出歌壇?」


「唔會囉。佢地講咪由得佢地講囉,我做我自己開心嘅事,關錦鵬要我唱《紅玫瑰與白玫瑰》主題曲,我應承咗佢,當時一個叫小蟲嘅話要出碟,我都無應承,咁就傳出去,其實關導演話我肯唱佢已經好滿足。」張國榮說:「唔可能復出了,邊有依家歌星咁好體力吖?開完廿場演唱會,立即又在電視出現,我哋嗰時起碼抖一個半月至出番來。三十八歲了,無咁好體力,嗰時我地自由度亦大好多。上完呢個節目我唔上嗰個,可以揀,依家點得呀?你唔出,人地三個出,整整嚇就另捧一個做天王取代你。」


「《風月》嘅女主角係邊個?」


「佢叫王瑩,有王祖賢咁高。」


「點解搵個咁高來襯你呀?」


「無所謂,技巧補救,你有無睇過一套西片,女主角高,佢同男主角一齊行,佢地挖一條坑俾佢咁咪解決囉。」


「賴士裏,我成日話俾人聽,你有五呎八吋,佢哋梗係唔信。」


「唔止呀,冰姐,我五呎八吋多D呀。」


「咁,何人可以做陸小曼呢?」「唔知。」張國榮這次回來是為《東邪西毒》配音的,其實,佢在黃山拍《風月》時,王家衛已著人將影片送到黃山請賴士裏配音。但黃山的收音效果唔好,剛好賴士裏又有三幾日得閒,於是又請佢回港再重新配過。飾演東邪的梁家輝知道賴士裏在黃山為《東邪西毒》影片配音,忽聞賴士裏又趕回來再配,忍唔住話:「嚇!又返香港配過呀,咁黃山果D豈不是白做。」佢地要求嚴嘛,寧可浪費D錢嘛。   


文:林冰



Archiver|Leslieworld 哥迷世界

GMT+8, 2019-11-20 10:00 , Processed in 0.127231 second(s), 10 queries .

Powered by Discuz! X2

© 2001-2011 Comsenz Inc.

回頂部 3