請選擇 進入手機版 | 繼續訪問電腦版

Leslieworld 哥迷世界

 找回密碼
 立即註冊_Register Now
搜索
查看: 771|回復: 0

1999年10月23日 商台接受查小欣訪問 [複製鏈接]

Rank: 9Rank: 9Rank: 9

發表於 2013-10-23 22:26:21 |顯示全部樓層

1999年10月24日 太陽報 唐生地位僅次亡母 哥哥:佢幫我睇住盤數


1999年10月24日 太陽報 唐生地位僅次亡母 哥哥:佢幫我睇住盤數01.jpg


張國榮與唐先生的好友關係早已不是秘密,昨日哥哥(張之暱稱)在電台訪問中,公開表示唐先生是其生命中最重要的人之一,哥哥的財政更全盤交予對方處理,可見哥哥對唐先生是如何地信賴。而哥哥昨日在尖沙咀舉行的巨型海報簽名儀式,吸引逾六百人圍觀,更有警察封路,讓哥哥順利簽名,認真巴閉。畏高的哥哥坐吊臂升至四樓高為海報揭幕,期間十分風騷,不時向市民揮手。


自張國榮在九七年個唱中,以一首《月亮代表我的心》憑歌寄意贈好友唐先生後,昨日商台播出查小欣訪問哥哥的內容中,他再次肯定對方在其心目中的地位,可謂情深義重。


話說當哥哥被問到其生命中最重要的三人屬誰時,他本以私人事為由不願答,結果哥哥表示:「第一個係媽媽,佢生我出嚟見呢個世界,我唔會多謝我爸爸,我地冇乜感情。」


「再嚟就係我好朋友唐先生,佢畀到好多意見我,無論工作上同其他方面。以前我好衝動,依家就可以好冷靜。佢又幫我睇住盤數,我自己唔識打理財務,佢嘅學識,對呢方面嘅認識,好多時幫我做到Decision Making(做決定)。仲有係六姐,佢義無反顧照顧我屋企人,三百蚊人工又要湊埋姑仔。」


既然財政由唐先生處理,哥哥在投資方面亦聽從好友意見,問他何解租樓卻不買樓,他說:「唐先生話依家市道,樓價係一個循環,有好價就好賣,有好(樓盤)吸引,我都會買。」


寄語蔡楓華


提到常表示要與哥哥敘舊的蔡楓華,哥哥說:「當年佢講咗句(一剎那光輝唔代表永恆)未必係指我,有報道話可能係畀陳百強,總之我唔使評論,我勸佢如果想做呢行就要畀人感覺到佢有誠意。」


1999年10月24日 太陽報 唐生地位僅次亡母 哥哥:佢幫我睇住盤數02.jpg


此外,哥哥昨日到尖沙咀某唱片舖,為其四層樓高巨型海報揭幕及簽名,吸引逾六百市民圍觀,唱片舖怕秩序混亂,預先知會了警方,警方派出數名警員到場,雖未有正式實施封路措施,但當哥哥出現時,警員還是不讓車輛駛入,以方便哥哥進行簽名儀式。唱片公司為了哥哥及途人安全,更買了千五萬港元保額的保險。


Archiver|Leslieworld 哥迷世界

GMT+8, 2019-12-6 16:43 , Processed in 0.118709 second(s), 13 queries .

Powered by Discuz! X2

© 2001-2011 Comsenz Inc.

回頂部 2